Բաքվում որոնում են երիտասարդի, որը սպառնացել է պայթեցնել մետրոյի կայարանը:
Vesti.az-ի փոխանցմամբ, ոստիկանություն է դիմել ոմն Սաբինա Ալիեւա եւ պատմել, որ Քյամրան անունով իր ծանոթը դեկտեմբերի լույս 26-ի գիշերը զանգահարել եւ սեր է խոստովոնել իրեն, նաեւ խոստացել է պայթեցնել մետրոյի «Նարիման Նարիմանով» կայարանը, եթե սերը փոխադարձ չլինի:
Իրավապահները ստուգել են նշված կայարանի տարածքը, սակայն պայթուցիկ չեն հայտնաբերել: Հեռախոսահամարը, որից զանգահարել էր երիտասարդը, անջատված է: Ոստիկանությունում խոստացել են, որ «հուսահատ Քյամրանին կգտնեն եւ կպատժեն»:
