Դեկտեմբերի 25-ին, ժամը 02.30-ին, ոստիկանության Երեւան քաղաքի վարչության ՊՊԾ գնդի 3-րդ վաշտի եւ Մաշտոցի բաժնի ծառայողները Բաշինջաղյան 2-րդ նրբանցքի թիվ 8 շենքի մոտից, գողություն կատարելու կասկածանքով, բերման են ենթարկել 27-ամյա Էդուարդ Լ.-ին եւ 25-ամյա Արմեն Փ.-ին:
Ոստիկանության մամուլի ծառայությունից հայտնում են, որ նրանք խոստովանել են, որ նույն օրը, ժամը 02.00-ին, Բաշինջաղյան 2-րդ նրբանցքի թիվ 8 շենքի բակում կայանված «ՎԱԶ-21013» մակնիշի ավտոմեքենայից փորձել են գողություն կատարել, սակայն բռնվել են ոստիկանության ծառայողների կողմից:
Պարզվել է, որ ավտոմեքենան պատկանում է 1955 թ. ծնված Հասմիկ Գ.-ին, որից ընդունվել է հաղորդում:
Կատարվում է հետաքննություն: