Հայաստանը մշակութի ոլորտում կհամագործակցի Կոտ դ՛Իվուարի հետ: Համապատասխան համաձայնագրի նախագիծը, որը ներկայացրել է մշակույթի նախարար Հասմիկ Պողոսյանը, հավանություն է ստացել կառավարության հունվարի 22-ի նիստում:
Կոտ դ՛Իվուարի հետ լուրջ համագործակցություն է սպասվում՝ արվեստի միանգամից մի քանի ոլորտներում: Դրա համար կստեղծվի հատուկ հանձնաժողով՝ կազմված երկու երկրների պատասխանատու գերատեսչությունների ներկայացուցիչներից:
Այսկերպ Հայաստանը կամրապնդի նաեւ ընդհանուր փոխհարաբերություններն այդ երկրի հետ, քանի որ նախկինում վերջինիս հետ դիվանագիտական շփումներ գրեթե չեն եղել, հավելել է մշակույթի նախարարը: