«Լուչ Էներգիայի» հայազգի կիսապաշտպան Ռուսլան Կորյանը լքեց ռուսական թիմը և շուտով նոր թիմ կտեղափոխվի: Ամենայն հավանականությամբ, դա կլինի Տաշքենդի «Լոկոմոտիվը»: NEWS.am-ի թղթակից Վերա Մարտիրոսյանն այս թեմայի շուրջ զրուցել է ֆուտբոլիստի հետ.
«Ես շատ շնորհակալ եմ «Լուչ Էներգիային» և հատկապես նրա գործադիր տնօրեն Անատոլի Բեզնյակին: Իմ հաջող ելույթները թիմում պայմանավորված էին նրա մարդկային աջակցությամբ: Ես այնտեղ շատ ջերմ հարաբերություններ ունեմ բոլորի հետ: «Լուչն» իմ երկրորդ տունն է: Շնորհակալ եմ թիմի անձնակազմին, աշխատակազմին և երկրպագուներին: Վերջին երեք տարվա ընթացքում, որ այտեղ էի, որեւէ վատ բառ կամ արտահայտություն չեմ լսել իմ հասցեին: Բայց եկել է ժամանակը, որ հեռանամ: Ես մասնակցել եմ Տաշքենդի «Լոկոմոտիվի» ձմեռային հավաքին` Դուբայում: Վաղը մեկնում եմ նրանց երրորրդ հավաքին: Այնտեղ էլ կորոշվի հետագա կարիերայիս ընթացքը»-ասաց Կորյանը:
Ռուսլան Կորյանը «Լուչ Էներգիա» է տեղափոխվել 2012-ին: Թիմի կազմում մանսկացել է 57 խաղի, դարձել 18 գոլի և 15 գոլային փոխանցման հեղինակ:
