Ղարաբաղա-ադրբեջանական հակամարտ զորքերի շփման գծի Քարվաճառի պաշտպանական ուղղությամբ հունվարի 21-ին հակառակորդի ձեռնարկած դիվերսիոն հետախուզական ներթափանցման փորձի ժամանակ զոհված հայ զինծառայող 33-ամյա Նահապետ Ասատրյանին հունվարի 23-ին հուղարկավորել են: Այս մասին NEWS.am-ին ասաց Արագածոտնի մարզի Լուսագյուղ համայնքի ղեկավար Քաջիկ Զաքարյանը, որի համագյուղացին էր Նահապետը:
Քաջիկ Զաքարյանը հայտնեց, որ Նահապետին հուղարկավորել են գերեզմանոցից հեռու ազատ տարածքում, որ հետագայում կարողանան հուշաքար տեղադրել:
«Հոգեհանգստին էլ, հուղարկավորությանն էլ հրմանատարական կազմն էր եկել, Արածագոտնի մարզպետը, այլ պաշտոնյաներ»,- ասաց գյուղապետը:
Նշենք, որ Նահապետ Ասատրյանն ամուսնացած էր, ուներ 3 երեխա:
Ավելի վաղ NEWS.am-ը, վկայաչոկելով ԼՂՀ ՊԲ մամուլի ծառայությանը, հայտնել էր, որ հունվարի 20-ին լույս 21-ի գիշերը՝ ժամը 03:00-ի սահմաններում, ղարաբաղա-ադրբեջանական հակամարտ զորքերի շփման գծի Քարվաճառի պաշտպանական ուղղությամբ հակառակորդը ձեռնարկել է դիվերսիոն հետախուզական ներթափանցման փորձ: Հայկական առաջապահ ստորաբաժանումները ժամանակին հավաստանշել են հակառակորդի հատուկ ջոկատայինների առաջխաղացումը եւ վերջիններիս կորուստներ պատճառելով, հետ շպրտել իրենց ելման դիրքեր: Ցավոք, ծավալված մարտերի ժամանակ զոհվել է զինծառայող, 1982թ. ծնված Նահապետ Արտակի Ասատրյանը եւ վիրավորում է ստացել 1973թ. ծնված Հովհաննես Օնիկի Գասպարյանը: