ԱՄՆ-ում Tesla էլեկտրական մեքենայի սեփականատերը զբոսաշրջիկներին առաջարկում է 85 դոլարով գիշերել իր ավտոմեքենայում: Արիզոնա նահանգի Ֆինիքս քաղաքից Սթիվ անունով տղամարդը համապատասխան հայտարարությունը տեղադրել է Аirbnb կայքում:
«Գիշերեք աշխարհում առաջին Tesla-հյուրանոցում»,- գրել է ավտոմեքենայի սեփականատերը: Նրա խոսքով, մեքենայում անհրաժեշտ բոլոր հարմարությունները կան. երկտեղանի փչովի ներքնակ, անկողնու սպիտակեղեց, ինչպես նաեւ հեռահար կառավարմամբ լուսամփոփներ: Ցանկացողները կարող են օգտվել նաեւ բնակարանից ոչ հեռու տեղակայված խոհանոցից, լոգարանից եւ հեռուստացույց դիտել:
Մեքենայի սեփականատերը հաղորդել է, որ եթե իր գրաֆիկը թույլ տա, կարող օդանավակայանու դիմավորել հաճախորդներին եւ տանել ավտոտնակ, որտեղ մեքենան է:
CBS5 հեռուստաալիքին տղամարդը պատմել է, որ իր Tesla S-ն արժե շուրջ 119 հազար դոլար: «Ինքս երեք անգամ գիշերել եմ մեքենայում, այդ դեպքում ինչո՞ւ թույլ չտալ այդ անել ուրիշներին»,- նշել է նա:
Tesla Model S-ն ամերիկյան Tesla Motors ընկերության հինգ դռնանի էլեկտրական ավտոմեքենա է:
