Մեքսիկացի «գաճաճ» մականվամբ թմրաբարոն Հոակին Գուսման Լոերան դատարան բողոք է ներկայացրել՝ խնդրելով իրեն չհանձնել ԱՄՆ-ին։
Օրեր առաջ Մեքսիկայի գլխավոր դատախազ Խեսուս Մուրիլյո Քարամը հայտնել էր, որ իմացել է ԱՄՆ-ի իշխանությունների՝ Գուսմանի արտանանձնումը պահանջելու մտադրության մասին։
Մեքսիկայի գլխավոր դատախազի տվյալով՝ միջնորդությունը թմրաբարոնի պաշտպանությունը ներկայացրել է այս շաբաթ ։ Ձերբակալությունից հետո նա գտնվում է հատուկ պահպանվող «Ալտիպլանո» բանտում, որը գտնվում է Մեխիկո նահանգում, հայտնում է «ՌԻԱ Նովոստին»՝ վկայակոչելով El Universal-ը։
Գուսմանը երկար ժամանակ եղել է Մեքսիկայում ամենահզորը համարվող «Սինալոա» թմրակարտելի ղեկավարը, որը զբաղվում է ԱՄՆ թմրանյութեր մատակարարելով: 1993թ. նա արդեն ձերբակալվել եւ դատապարտվել էր 20 տարվա ազատազրկման, սակայն 2001թ. հունվարին փախել էր բանտից, երբ հայտնի է դարձել նրան ԱՄՆ-ին արտահանձնելու՝ իշխանությունների մտադրության մասին:
