Իրանի Իսլամական Հանրապետությունում ՀՀ արտակարգ եւ լիազոր դեսպան կնշանակվի Արտաշես Թումանյանը: Այս մասին հայտնեցին NEWS.am-ի աղբյուրները:
Այժմ ԻԻՀ-ում ՀՀ դեսպանի պաշտոնը զբաղեցնում է Գրիգոր Առաքելյանը: Նրա այլ դիվանագիտական աշխատանքի անցնելու մասին առայժմ խոսակցություններ չկան:
Նշենք, որ Արտաշես Թումանյանը «Լիսամ» իրավաբանական ծառայությունների տնօրենների խորհրդի նախագահն է: Նա 2000-2006թթ աշխատել է ՀՀ նախագահի աշխատակազմի ղեկավար, ավելի վաղ՝ նախագահի խորհրդական, եղել է ԱԳ նախարարի առաջին տեղակալ, հարկային տեսչության պետ. իսկ 1995-1999թթ՝ ԱԺ պատգամավոր: