Ինդոնեզական փրկարարները հունվարի 24-ին սկսել են անցած տարվա դեկտեմբերին Ճավայի ծովում կործանված AirAsia ավիաընկերության ինքնաթիռի հիմնակմախքի բարձրացման աշխատանքները:
Այդ մասին AFP գործակալությանը տված հարցազրույցի ժամանակ հայտարարել են Սուրիյադի Սուպրիյադի փրկարարա-որոնողական գործողության ներակայացուցիչները:
Ինքնաթիռի հիմնակմախքի բարձրացման մասին որոշումն ընդունվել է այն բանից հետո, երբ խորտակման վայրում աշխատող սուզանավորդները առաջին անգամ կարողացել են ընկնել օդանավի հիմնամասի ներս: Նաեւ հաղորդվում է, որ նախօրեին հայտնաբերվել են եւս մի քանի զոհվածների մարմիններ: Տվյալ պահին հայտնաբերված դիերի թիվը հասել է 69-ի, հաղորդում է «ՌԻԱ Նովոստին»:
Ավելի վաղ, փրկարարների աշխատանքները հետաձգվել էին վատ եղանակային պայմանների, ինչպես դեպի ինքնաթիռի հիմնական հատված տանող ճանապարհը արգելափակող մեծ քանակությամբ բեկորների պատճառով: Գտնված հատվածի բարձրացման համար կկիրառվի նույն տեխնոլոգիան, ինչ որ արդեն ցամաք դուրս բերված օդանավի հետեւամասի դեպքում՝ ջրի տակ փչվող պարկեր:
Դեկտեմբերի 28-ին ինդոնեզական Սուրաբայայից Սինգապուր չվերթն իրականացնող Airbus A320 օդանավը թռիչքից քիչ ժամանակ անց անհետացել է ռադարների տեսադաշտից՝ աղետի նախնական ազդանշան չտալով: Օդանավում եղած բոլոր 162 ուղեւորները զոհվել են:
