Վանաձորում պահանջում են հրավիրել ավագանու արտահերթ նիստ Պերմյակովին ՀՀ իրավապահ մարմիններին փոխանցելու պահանջով: Այս մասին NEWS.am-ը տեղեկացավ Վանաձորի Հելսինկյան քաղաքացիական ասամբլեայի գրասենյակից:

Նշենք, որ ավելի վաղ քաղաքացիական նախաձեռոնց խմբի անդամները ստորագրահավաք էին նախաձեռնել եւ պահանջում էին ՀՀ Գլխավոր դատախազից գրությամբ դիմել ՌԴ Գլխավոր դատախազին՝ Պերմյակովին ՀՀ իրավապահ համակարգի հսկողությանը հանձնելու պահանջով: Ստորագրահավաքի նպատակներից մեկն էր կոչ անել Վանաձոր համայնքի ղեկավարին եւ ավագանու անդամներին՝ հրավիրել արտահերթ նիստ, հանդես գալ ուղերձով եւ նման պահանջով դիմել ՀՀ գլխավոր դատախազին: Ստորագրահավաքին միացել է նաեւ ՀՔԱ Վանաձորի գրասենյակը եւ հունվարի 23-ին արդեն դիմել են Վանաձորի քաղաքապետարանին՝ արտահերթ նիստ հրավիրելու պահանջով: Ստորագրահավաքին միացել է 451 անձ: