Samsung ընկերությունը իր նոր սարքերում Snapdragon 810 պրոցեսորներ չի օգտագործի, փոխարենը սեփական Exynos արտադրանքը կօգտագործի, հայտնում է Bloomberg-ը։
Պարբերականը նշում է, որ հարավկորեական ընկերության ղեկավարությունում դժգոհ են ամերիկյան Qualcomm-ի արտադրության Snapdragon 810 պրոցեսորներից։ Նշվում է, որ դրանք խիստ տաքանում են աշխատելիս։
Samsung Galaxy S6 նոր ֆլագմանը կցուցադրվի Բարսելոնայի Mobile World Congress ցուցահանդեսում, որը կանցկացվի այս տարվա մարտի 2-ից 5-ը։
Ավելի վաղ հայտնի էր դարձել, որ նոր սմարթֆոնը կունենա 5,1 մատնաչափ էկրան՝ Quad HD (577 dpi) թողունակությամբ, 20 մեգապիքսելանոց հիմնական տեսախցիկ՝ կարգավորիչով, եւ 5 մեգապիքսելանոց դիմային տեսախցիկ։
Բացի այդ, 10 րոպեում սարքը կարելի է լիցքավորել 4 ժամվա համար, այդ թվում՝անլար լիցքավորմամբ։ Գաջետի կաղապարը կլինի ապակուց եւ մետաղից, էկրանը կունենա Gorilla Glass 4 նոր պաշտպանվածություն։