Հայաստանը չէր կարող չեզոքություն պահպանել աշխարհաքաղաքական բեւեռների պայքարում։ Այս մասին հունվարի 24-ի մամուլի ասուլիսում հայտարարել է ԲՀԿ-ական պատգամավոր, տնտեսագետ Վարդան Բոստանջյանը Հայաստանի եվրասիական ինտեգրման հեռանկարների քննարկման ժամանակ։ Այլ խոսքով՝ Հայաստանը պետք է ընտրություն կատարեր եւ նախընտրեց իր համար առավելագույնս ձեռնտու տարբերակը, հավելել է նա։

«Այնուամենայնիվ ԵՏՄ-ում կան շատ զուտ  տնտեսական մեխանիզմներ, որոնք առայսօր հարթ չեն։ Միությունը դեռեւս մինչեւ վերջ չի կայացել, եւ մենք պետք է հասկանանք՝ որքանով են այդ գործընթացները ցանկալի մեզ համար», - հայտարարել է Բոստանջյանը։