Ադրբեջանի կողմից Լեռնային Ղարաբաղում եւ Հայաստանի հետ սահմանին իրականացվող սադրանքները պայմանավորված են Հայոց ցեղասպանության 100-րդ տարելիցի հանգամանքով։ Այս մասին հունվարի 24-ին Հայաստանի Եվրասիական ինտերգրմանը նվիրված մամուլի ասուլիսի ընթացքում հայտարարել է իշխող հանրապետական կուսակցության պատգամավոր Լեռնիկ Ալեքսանյանը։
Նրա խոսքով՝ չի կարելի պնդել, որ եթե Հայաստանը 2015-ի հենց սկզբից չանդամակցեր ԵՏՄ-ին, ապա ադրբեջանական ուժեը չէին ձեռնարկի վերջին օրերի միջադեպերը Ղարաբաղում եւ Տավուշի մարզում։
«Պատճառը ոչ այնքան Հայաստանի ԵՏՄ-ին անդամակցելն է, որքան Բաքվի ջարդերի տարելիցն ու Հայոց ցեղասպանության հարյուրամյակը։ Այս շրջանում Բաքուն կփորձի դիմել նոր սադրանքների»,- հավելել է Ալեքսանյանը։