Եվրասիական ինտեգրումը բացարձակապես ոչինչ չի երաշխավորում Հայաստանին: Այդ մասին այսօր՝ հունվարի 24-ին Հայաստանի եվրասիական ինտեգրման հեռանկարներին նվիրված քննարկումների ժամանակ լրագրողներին հայտարարել է «Ժառանգության» փոխնախագահ Արմեն Մարտիրոսյանը:
Նա նշել է, որ հենց ամենասկզբում սխալ էր, որ հասարակության առջեւ Մաքսային (ավելի ուշ Եվրասիական) միությանը անդամակցելու կամ չանդամակցելու հարց ոչ ոք չի դրել:
«Եվրասիական միությանը անդամությունը բոլորովին չի նշանակում, որ ինչ-որ մեկը մեր արտահանողներին Ռուսասատանի եւ ԵՏՄ-ի մյուս երկրներում առավելություն է երաշխավորում: Եվ իհարկե, եվրասիական ինտեգրումը չի նշանակում լրացուցիչ աջակցություն Հայաստանի արտաքին քաղաքականությանը այն ոչ պարզ իրավիճակում, որտեղ մենք այժմ գտնվում ենք», - հավելել է Մարտիրոսյանը: