Կալինինգրադի կենդանաբանական այգում բնակվող Տանյա անունով ամուրյան վագրը կարողանում է ձնագունդ պատրաստել: Այս մասին հաղորդում է ՏԱՍՍ գործակալությունը:
«Երբ վագրի ազատավանդակում առաջին անգամ ձնագնդեր տեսանք, որոշեցինք, որ դրանք կենդանաբաններն են պատրաստել՝ կենդանուն զվարճացնելու համար»,- պատմել է այգու մամուլի քարտուղար Եկատերինա Միխայլովան: Սակայն պարզվել է, որ Տանյան ինքն է դրանք պատրաստել:
Վագրը հավաքում է ձյունը, այնուհետեւ ամբողջ ազատավանդակով գլորում այնքան, մինչեւ այն վերածվում է հսկայական գնդի: Ընդ որում, Կալինինգրադի կենդանաբանական այգում 2004 թվականին հայտնված Տանյան սիրած գործով զբաղվում է միայն գիշերը: