Եմենի նախագահ Աբդ Ռաբբո Մանսուր Հադին որոշել է հետ կանչել իր հրաժարականի դիմումը, որը ներկայացրել էր հունվարի 22-ին «Անսար Ալլահ» շարժման շիա ապստամբների կողմից երկրի մայրաքաղաքը գրավելուց հետո, հաղորդում է «Սինհուա» գործակալությունը՝ վկայակոչելով երկրի նախագահի խորհրդականի խոսքը:
Հունվարի 22-ին Եմենի նախագահը հրաժարակ էր ներկայացրել երկրի խորհրդարանի նխագահին: Սկզբում խորհրդարանը հրաժարվել էր այն ընդունել, բայց հետո որոշել էր այդ հարցով քվեարկություն անցկացնել կիրակի՝ հունվարի 25-ին:
Կիրակի խորհրդարանի արտահերթ նիստը անորոշ ժամանակով հետաձգվել է:
Ավելի վաղ արաբական լրատվամիջոցները հայտնել են, որ Եմենի կառավարությունը Հալիդ Մահվուզ Բահահի գլխավորությամբ, նույնպես հրաժարականի դիմում է գրել: Երկրի ղեկավարները որոշել են լքել իրենց պաշտոնները այն բանից հետո, երբ երկրի նախագահի եւ հուսիթների միջեւ համաձայնություն ձեռք բերվեց վերջիններիս իշխանության մաս կազմելու վերաբերյալ, հաղորդում է ՌԻԱ նովոստին:
