Հնդկաստանի արեւելյան Բիհար նահանգում մարդ են ձերբակալել՝ ԱՄՆ նախագահ Բարաք Օբամային էլեկտրոնային նամակ ուղարկելու փորձի համար: Այս մասին հաղորդում է NDTV-ն՝ վկայակոչելով Գայա քաղաքի ոստիկանության ղեկավար Ռաքեշ Կումարին:
«Տղամարդը եկել է ինտերնետ-սրճարան եւ ասել, որ ցանկանում է նամակ ուղարկել Օբամային: Հաստատության սեփականատերը զգուշացել է ու զանգահարել ոստիկանություն: Իրավապահները ժամանել են եւ կալանավորել ինտերնետ-սրճարանի այցելուին»,- հայտարարել է Կումարը:
Ըստ Gazeta-ի, տղամարդը հասցրել է երկու էջանոց նամակ գրել, որում ամերիկյան նախագահին խնդրել է 1.3 մլրդ դոլար տրամադրել Օժանդակության ազգային հիմնադրամին:
Պարզվել է, որ կալանավորվածը 49-ամյա Ինամ Ռազան է, Բհագալպուրե գյուղի բնակիչ: Ամենայն հավանականությամբ, նա հոգեկան խանգարում ունի:
Ավելի վաղ հաղորդվել էր, որ Օբաման եռօրյա այցով ժամանել է Հնդկաստան: