Վատիկանում հունվարի վերջին կիրակի օրն անցկացված պատարագից հետո, որը կաթոլիկ եկեղեցին «խաղաղության կիրակի» է անվանում, օդ են բաց թողել ոչ թե աղավնիներ, այլ օդապարիկներ:
Տարիների շարունակ պատարագից հետո Սուրբ Պետրոսի հրապարակում պատշգամբում Հռոմի Պապի մոտ կանգնած երեխաներն աղավնիներ էին բաց թողնում օդ:
BBC-ի ռուսական ծառայության հաղորդմամբ, սակայն, անցյալ տարի խաղաղության աղավնիների վրա ճայեր եւ ագռավներ են հարձակվել, ինչի արդյունքում կենդանիների իրավունքների պաշտպանները քննադատության ալիք են բարձրացրել Վատիկանի այդ պրակտիկայի դեմ: