ԱՄՆ-ի նախագահ Բարաք Օբաման հայտարարել է, որ ԱՄՆ-ն Ռուսաստանի նկատմամբ ճնշումն ուժեղացնելու տարբերակներ կփնտրի եւ բացառել է զինված հակամարտության հնարավորությունը, փոխանցում է CNN-ը:
«Ռուսաստանի տնտեսության թուլացումը մեր շահերից չի բխում: Մեր շահերից է բխում կարեւոր սկզբունքի պահպանումը՝ մեծ երկրները չպետք է վախեցնեն փոքրերին», - ընդգծել է ԱՄՆ-ի նախագահը, փոխանցում է Gazeta-ն:
Օբաման հավելել է, որ դիտարկելու է հակամարտության կարգավորման բոլոր հնարավոր տարբերակները՝ բացի պատերազմից:
Ավելի վաղ Նազարբաեւը Օբամային կոչ էր արել զիջումների գնալ Ուկրաինայի հարցում: