2014 թվականի արդյունքներով՝ Apple Inc ընկերության գլխավոր գործադիր տնօրեն Թիմ Քուքը 9.22 մլն դոլարի չափով պարգեւատրում է ստացել: Սա մոտ երկու անգամ գերազանցում է նախորդ տարում վաստակած 4,25 մլն դոլար պարգեւավճարին: Ինչպես տեղեկացնում է Bloomberg-ը, սեպտեմբերին ավարտվող ֆինանսական տարվա արդյունքներով՝ նրա աշխատավարձը կազմում է 1,75 մլն դոլար, եւս 6,7 մլն դոլար նա կստանա ՝որպես հարկային նվազեցումների համար փոխհատուցում: Բացի այդ, ընկերության ղեկավարությունը որոշում է ընդունել 2014թ. ամբողջ ղեկավարության աշխատավարձը բարձրացնել 14%-ով:
Նշվում է որ Թիմ Քուքը 2011թ. գլխավոր տնօրենի պարտականությունները ստանձնելիս ստացել է 376 մլն դոլար արժողությամբ ընկերության բաժնետոմսերը (հաշվի առնելով տվյալ պահի գնանշումը), որոնք նա կարող էր օգտագործել միայն 10 տարի անց եւ պայմանով, որ Apple-ը մի քանի հիմնական ցուցանիշներ կպահպանի անհրաժեշտ մակարդակի վրա: Այդ ժամանակից ի վեր ընկերության կապիտալացումն ավելացել է 120%-ով, հաղորդում է NTV-ն:
Նախորդ տարի Burberry-ից ընկերություն տեղափոխված մանրածախ եւ ինտերնետ առեւտրի գլխավոր փոխտնօրեն Անժելա Արենդս-ը 73,4 մլն դոլարի չափով փոխհատուցում է ստացել: Գլխավոր ֆինանսական տնօրեն Լուկա Մաեստրին աշխատել է 14 մլն դոլար, որից 11.3-ը հետաձգված պարտատոմսերից, իսկ փոխնախագահներ Էդի Քյուն եւ Ջեֆ Ուիլիամսը ստացել են համապատասխանաբար 24 եւ 20 մլն դոլար:
