Ֆիլիպիններում ոստիկանության եւ մահմեդական «Իսլամական ազատագրման ճակատ» խմբավորման միջեւ զինված բախումները հանգեցրել են առնվազն 43 մարդու մահվան:
Ոստիկանության զեկույցը վկայակոչելով՝ DPA-ը հայտնում է, փոխհրաձգությունից զոհվել է 37 ոստիկան եւ վեց խռովարար:
Բախումները սկսվել են կիրակի երեկոյան՝ Մագինդանաո նահանգի Տուկանալիպաո գյուղում: Գործակալությանը Մամասապանոյի քաղաքապետ Տահիրուդին Բենզար Ամպատուանը հայտնել է, որ Ֆիլիպինների անվտանգության ուժերը կիրակի ներխուժել են գյուղ՝ ահաբեկչություն իրականացնելու մեջ մեղադրվող կազմակերպության ներկայացուցիչներին բռնելու համար, սակայն զինված դիմադրության են հանդիպել ապստամբների կողմից, փոխանցում է «ՌԻԱ Նովոստին»:
