Դատարանի պահանջով ՝ամերիկյան Google կորպորացիան տրամադրել է WikiLeaks-ի 3 լրագրողների անձնական տվյալները, այդ թվում՝ տեղեկատվություն կապերի եւ նամակագրությունների բովանդակության մասին, գրում է The Guardian-ը։
Պարբերականի տվյալներով՝ ընկերությունը տրամադրել է Սառա Հարիսոնի, Ջոզեֆ Ֆարելի եւ Քրիստինա Հրաֆնսոնի անձնական տվյալները։ Նշվում է, որ տվյալներն իշխանություններին են փոխանցվել 2014-ի դեկտեմբերի 23-ին եւ միայն 2.5 տարի են այդ մասին հայտնել լրագրողներին:
Google-ի աշխատակիցները նշում են, որ դատական արգելքի պատճառոբ ընկերությունն ավելի վաղ իրավունք չի ունեցել հայտնել տեղեկությունների փոխանցման մասին: Լրագրողները կորպորացիայի գործողություններն անվանել են ներխուժում անձնական կյանք։
Անձնական տեղեկությունների նկատմամբ հասանելիությունը պահանջվել է WikiLeaks-ի նկատմամբ միջոցառումների հետաքննության առիթով: Լրագրողներին մեղադրել են լրտեսման նպատակով դավադրության մեջ։
Ավելի վաղ, Wikileaks-ի հիմնադիր Ջուլիան Ասանժը հայտարարել էր, որ Google-ի հիմնական խնդիրը հետախուզական տվյալների հավաքագրումն է։