Beeline-ը հայտարարում է կորպորատիվ ինտերնետի եւ բջջային կապի ծառայությունների մատուցման մի շարք մրցույթներում հաղթելու մասին։ Վերջին ամիսների ընթացքում Beeline-ի ծառայություններն ընտրել են այնպիսի խոշոր կազմակերպություններ եւ կառույցներ, ինչպիսին են Հայաստանում ՄԱԿ-ի զարգացման ծրագիրը, ՀՀ նախագահի աշխատակազմը, ՀՀ Բնապահպանության նախարարությունը, ՀՀ Վերահսկիչ պալատը, ՀՀ Ազգային անվտանգության ծառայությունը, ՀՀ Մշակույթի նախարարությունը, ՀՀ Սահմանադրական դատարանը, Հայաէրոնավիգացիա ՓԲԸ , Շտապօգնություն ՓԲԸ եւ այլն։
«Beeline–ը խոշոր բիզնեսի վստահությունը ձեռք է բերում իր գործընկերների հանդեպ պատասխանատու մոտեցմամբ, ինչպես նաեւ ցանցի տեխնոլոգիական արդիականացմամբ։ Հեռահաղորդակցության շուկայում օրեցօր ավելանում է որակյալ կապի ծառայությունների պահանջը: Կապի որակի, ցանցի հուսալիության եւ նորարարական տեխնոլոգիաների զարգացման շարունակական բարելավումների շնորհիվ՝ Հայաստանի հեռահաղորդակցության ոլորտի առաջատար օպերատոր Beeline-ը մշտապես արժանանում է խոշոր բիզնեսի վստահությանը: Այս ամենն եւս մեկ անգամ հաստատում է այն, որ մեր ծառայությունները ոչ միայն պարզ են եւ հարմար, այլեւ ձեռնտու»,- նշեց Հայաստանում Beeline-ի գլխավոր տնօրեն Անդրեյ Պյատախինը։
Նշենք նաեւ, որ Beeline բջջային կապի բաժանորդների ընդհանուր թիվը 2014թ. 3-րդ եռամսյակում գերազանցել է 800 հազարը, իսկ ֆիքսված կապի լայնաշերտ ինտերնետինը՝ 150 հազարը։