Ռուսաստանի նախագահի մամուլի քարտուղար Դմիտրի Պեսկովը երախատագիտություն է հայտնել Իսրայելին Դոնբասի հակամարտության կարգավորմանը աջակցելու պատրաստակամության համար՝ ընդգծելով, որ Ռուսաստանը ուկրաինական հակամարտության կողմ չէ, հայտնում է «ՌԻԱ Նովոստին»:
«Մենք անկասկած, երախտապարտ ենք մեր իսրայելցի գործընկերներին կշռադատված դիրքորոշման եւ հակամարտության կարգավորմանը աջակելու պատրաստակամության համար, սակայն տվյալ դեպքում Ռուսաստանի եւ Ուկրաինայի միջեւ որպես միջնորդ հանդես գալու անհրաժեշտություն չկա, Ռուսաստանն այդ հակամարտության կողմ չէ», - ասել է ՌԴ նախագահի մամուլի քարտուղարը:
Ավելի վաղ, Իսրայելի արտգործնախարար Ավիգդոր Լիբերմանն հաղորդել էր, որ երկու երկրների հարաբերությունների կարգավորման համար Իսրայելը պատրաստ է միջնորդի դեր ստանձնել Ռուսաստանի եւ Ուկրաինայի միջեւ: