Իսրայելը ցանկանում է Եվրասիական տնտեսական միության հետ ազատ առեւտրի գոտու պայմանագիր կքնել, հայտարարել է երկրի արտգործնախարար Ավիգդոր Լիբերմանը:
«Մենք բանակցություններ ենք վարում ազատ առեւտրի գոտու ստեղծման, այլ ոչ թե Եվրասիական տնտեսական միությանն անդամակցության շուրջ: Եվրամիության հետ մենք ունենք նման համաձայնություն եւ ճիշտ նույն պայմանագիր էլ ցանկանում ենք կնքել Եվրասիական միության հետ», - երկուշաբթի Մոսկվայում տեղի ունեցած մամուլի ասուլիսի ժամանակ հայտարարել է Իսրայելի արտգործնախարարը, հաղորդում է «Ինտերֆաքսը»:
Իր հերթին, ՌԴ-ի արտգործնախարար Սերգեյ Լավրովը նկատել է նմանատիպ գոտու ստեղծման շուրջ Իսրայելի հետաքրքրությունը: «Եթե մենք համաձայնության գանք, ապա այդ գոտին կարող է ստեղծվել», - նշել է ռուս նախարարը: