Սպասվում է, որ Apple-ն այս շաբաթ կհայտարարի, որ 2014 թ. չինացիներն ամերիկացիներից շատ են iPhone գնել, գրում է The Financial Times-ը: Թերթը հայտնում է, որ ՉԺՀ-ում Apple-ի սմարթֆոնների վաճառքը կարող է ավելի լավ լինել, քան ԱՄՆ-ում:
Ըստ վերլուծաբանների՝ Apple կարողացել է այդ շրջադարձային կետին հասնել 2014 թ. չինական շուկայում իր ներկայությունն ընդլայնելուց հետո՝ շնորհիվ China Mobile-ի հետ համագործակցության եւ հոկտեմբերին ՉԺՀ-ում iPhone 6-ի թողարկմամբ, փոխանցում է Gazeta-ն:
UBS-ի փորձագետները կարծում են, որ անցյալ տարվա չորրորդ քառորդում Չինաստանին բաժին է ընկել iPhone-ի մատակարարումների 36%-ը, ԱՄՆ-ին՝ 24%-ը: Բացի դրանից, մասնագետները գնահատում են, որ նույն ժամանակահատվածում սմարթֆոնների 29%-ը վաճառվել է ԱՄՆ-ում, 22%-ը՝ ՉԺՀ-ում: Իր հերթին Creative Strategies-ից Բեն Բաջարինը կանխատեսում է, որ 2014 թ. չորրորդ քառորդում Apple-ը ՉԺՀ-ում վաճառել է շուրջ 2 մլն սմարթֆոն՝ ավելի, քան Հյուսիսային Ամերիկայում:
Թերթը նաեւ ուշադրություն է դարձնում Չինաստանի շուկայում iPhone-ի դիրքերը ուժեղացմանը՝ Samsung-ի խնդիրների եւ Xiaomi-ի վաճառքի աճին զուգահեռ: