UzDaewoo ուզբեկական ընկերությունը բարձրացրել է Ռուսաստանում վաճառվող մեքենաների գները, հաղորդում է Wroom.ru պորտալը:
Դեկտեմբերի կեսին Daewoo մեքենաները թանկացել են միանգամից 30 տոկոսով, որի հետեւանքով դեկտեմբերին ուզբեկական մեքենաների վաճառքը նվազել է 62 տոկոսով՝ 2013-ի դեկտեմբերի համեմատ, թեեւ ընդհանուր առմամբ շուկայում այդ մեքենաների թիվն ավելացել է 2 տոկոսով: Դեկտեմբերի վերջին ընկերությունը որոշել է նվազեցնել մեքենաների գները 12-14 տոկոսով, սակայն հետո նորից բարձրացրել է գները:
Այդ գները արդիական են 2015 թվականին արտադրված մեքենաների համար, իսկ նախորդ տարի արտադրվածները վաճառվում են հին գներով: