Տարեսկզբից հայ-ադրբեջանական սահմանին վերսկսված լարվածությունը անցյալ տարվա ակտիվ գործողությունների շարունակությունն է, որը թուրք-ադրբեջանական համաձայնությամբ է կատարվում։
Այս մասին այսօր հունվարի՝ 26-ին, լրագրողների հետ հանդիպմանը հայտարարեց ազգագրագետ Հրանուշ Խառատյանը՝ ավելացնելով, որ սահմանին լարվածության ավելացումը Ցեղասպանության 100-ամյակին նվիրված միջոցառումների հակակշիռ է։
«Սահմանին լարվածությունը Ցեղասպանության 100-ամյակի նախապատրաստության շղթայի հետ է կապված։ Ես թուրք-ադրբեջանական ծրագրված ասելիքը միշտ տեսնում, զգում եմ եւ հիմա էլ ավելի հակված եմ այդ ակտիվությունը կապել այս երեւույթի հետ։ Իրավիճակի սրմամբ նրանք փորձում են տարբեր ատյաններում բարձրացնելՀայաստանի ագրեսոր լինելու խնդիրը եւ սա դարձնել զուգահեռ հարթակ»,- ասաց ազգագրագետը։