Մագադանում ձմեռային ձկնորսությունը քիչ է մնացել ավարտվի ողբերգությամբ. միանգամից 12 մեքենաներ անցել են սառույցի տակ:
Ձկնորսության սիրահարները չեն լսել փրկարարներին, որոնք արգելել են որեւէ տրանսպորտային միջոցով անցնել սառույցի վրայով: Արդյունքում 12 ձկնորսներ զրկվել են իրենց մեքենաներից, հաղորդում է НТВ-ն:
Արտակարգ պատահարի ժամանակ մեքենաների մեջ մարդիկ են եղել, սակայն ժամանակին հասած ԱԻՆ-ի փրկարարները հասցրել են դուրս բերել նրանց: Բարեբախտաբար, ձկնորսներից ոչ ոք չի տուժել: