Երկուշաբթի ֆրանսիական Ազգային ճակատ (FN) կուսակցության հիմնադիր, եվրապատգամավոր Ժան-Մարի Լե Պենի բնակարանում հրդեհ է բռնկվել, հայտնում է BFMTV լրատվական հեռուստաալիքը՝ վկայակոչելով ոստիկանության եւ հրշեջ ծառայության աղբյուրներին:
Հեռուստաալիքի տեղեկություններով՝ հրդեհի բռնկման պահին Լե Պենը գտնվել է բնակարանում, սակայն չի տուժել: Հրդեհի պատճառը դեռեւս հաստատված չէ, հայտնում է «ՌԻԱ Նովոստին» http://ria.ru/-ն:
Իր հերթին, RTL ռադիոկայանը հաղորդում է, որ քաղաքական գործիչը փոքր վնասվածք կամ դեմքի այրվածք է ստացել, սակայն նրա կյանքի վտանգ չի սպառնում:
Point ամսագրի աղբյուրի խոսքով՝ հրդեհը պատահական բնույթ է կրում եւ բռնկվել է բուխարու անսարքության պատճառով:
Ազգային ճակատի ներկայացուցիչները դեռեւս չեն մեկնաբանել պատահարը: