ԱՄՆ-ի 72-ամյա քաղաքացի Վիրջինիա Վալդեսին 3 տարի ժամկետով ազատազրկման են դատապարտել՝ ամուսնու առնանդամը կտրելու փորձի համար: Դաժան փաստի առիթով գործը քննվում էր երեք տարի շարունակ: Ըստ Mirror-ի, սա վերջին շրջանում աշխարհում տեղի ունեցած վրեժխնդրության առաջին նման դեպքւ չէ:
Վիրջինիա Վալդեսն ամուսնու՝ Սեզարի հետ 32 տարի ապրել է մեկ հարկի տակ, սակայն մի քանի տարի առաջ զույգը որոշել է բաժանվել: Արդեն ապահարզանի փուլում գտնվելու ընթացքում կինն ամուսնուն առաջարկել է առանձնանալ, վերջինն էլ համաձայնել է: Վիրջինիան ասել է, որ գնում է ատամները մաքրելու եւ Սեզար Վալդեսին թողել է անկողնում պառկած: Սակայն կինը վերադարձել է ամենեւին էլ ոչ բարի նպատակներով. նրա ձեռքին մկրատ է եղել:
Ըստ Vesti-ի, ամերիկուհու ամուսինը սեփական կնոջից նման դաժան արարք չի սպասել: Անակնկալի եկած Սեզարին Վիրջինիան մկրատով մի քանի հարված է հասցրել սեռական օրգանների շրջանում: Բարեբախտաբար, տղամարդը հասցրել է շտապօգնություն կանչել, եւ դեպքի վայր ժամանած բժիշկները կարողացել են կանգնեցնել արյունահոսությունը:
Սեզար Վալդեսի փաստաբանի խոսքով, իր պաշտպանյալն ընտանեկան բռնության զոհ է դարձել: Հայտնի չէ, թե ինչն է նման ագրեսիվ պահվածքի պատճառ դարձել:
