Հնդկաստանի հյուսիսում զոհվել է երեք ուսանող՝ մոտեցող գնացքի ֆոնին սելֆի անելու փորձի հետեւանքով, հայտնում է Times of India թերթը:
Չորս ընկերներ մայրաքաղաքից Ագրա էին ուղեւորվել՝ Հանրապետության օրը հայտնի Թաջ Մահալ դամբարանն այցելելու, երբ նրանցից ինչ-որ մեկը որոշել է այնպիսի լուսանկարներ անել, որոնք բազմաթիվ «լայքեր» կհավաքեն սոցցանցերում, փոխանցում է polit.ru-ն:
Սպասելով, թե երբ է հեռվում երեւալու գնացքը, երեք ուսանողները, կանգնելով երկաթգծերին, սկսել են լուսանկարվել իրենց բջջային հեռախոսներով, չորրորդը նկարել է կողքից: վերջինիս խոսքով՝ չնայած որ ինքը փորձել է զգուշացնել վտանգի մասին, ընկերներն այնքան են տարված եղել լուսանկարվելով, որ չեն հասցրել երկաթգծերից դուրս գալ: