ՌԴ նախագահ Վլադիմիր Պուտինը ֆրանսիացի գործընկեր Ֆրանսուա Օլանդի եւ Գերմանիայի կանցլեր Անգելա Մերկելի հետ հեռախոսազրույցներում հայտարարել է, որ Դոնբասում իրավիճակի կտրուկ սրացման պատճառը Կիեւի իշխանությունների՝ ուժային ճնշման քաղաքականությունն է: Այս մասին հաղորդվում է Կրեմլի կայքում:
Նա հիշեցրել է, որ դեռեւս հունվարի 15-ին Պյոտր Պորոշենկոյին գրավոր առաջարկ էր ուղարկել հակամարտ կողմերի շփման գոտուց ծանր սպառազինության անհապաղ հեռացման մասին, ինչն անհնարին կդարձներ բնակավայրերի գնդակոծությունները եւ քաղաքացիական հասարակության շրջանում բազմաթիվ զոհերը », - ասված է Կրեմլի մամլո հաղորդագրությունում, փոխանցում է Gazeta-ն:
Դրանում նշվում է, որ տվյալ առաջարկին պաշտոնական պատասխան տրվել է միայն հունվարի 26-ին:
Ավելի վաղ հաղորդվել էր, որ ՌԴ նախագահ Վլադիմիր Պուտինը գրավոր ուղերձ է հղել Ուկրաինայի նախագահ Պյոտր Պորոշենկոյին, որում կողմերին առաջարկվում էր հեռացնել ծանր հրետանին: