Կուբայի նախկին առաջնորդ Ֆիդել Կաստրոն տեւական լռությունից հետո մեկնաբանել է ԱՄՆ-ի հետ հարաբերությունների ջերմացումը: 88-ամյա քաղաքական գործիչը նշել է, որ այնքան էլ չի հավատում ԱՄՆ-ին, սակայն դա չի նշանակում, որ ինքը հակամարտությունների խաղաղ կարգավորման չի ձգտում, հայտնում է Associated Press-ը:
«Մենք միշտ կձգտենք աշխարհի բոլոր ժողովուրդների հետ համագործակցության եւ բարեկամության, այդ թվում՝ մեր քաղաքական հակառակորդների հետ», — Ֆիդել Կաստրոյի խոսքերն է փոխանցում Gazeta-ն:
Դեկտեմբերի կեսերին ԱՄՆ-ի նախագահ Բարաք Օբաման պաշտոնապես հայտարարել էր Կուբայի հետ դիվանագիտական եւ տնտեսական հարաբերությունների վերսկսման մասին:
