Հայաստանի անդամակցությունը Եվրասիական տնտեսական միությանը լավ հնարավորություն է ստեղծում Իրանի եւ Հայաստանի միջեւ համագործակցության համար: Այդ մասին հունվարի 27-ին արտգործնախարար Էդվարդ Նալբանդյանիի հետ համատեղ Երեւանում կայացած ՀՀ մամուլի ասուլիսի ժամանակ հայտարարել է Իրանի Իսլամական հանրապետության արտգործնախարար Ջավադ Զարիֆը:
Ըստ նախարարի՝ գոյություն ունի համագործակցության եռակողմ ձեւաչափ՝ Իրան-Հայաստան-Ռուսաստան, որը վերաբերում է նաև կապի ոլորտին «Մենք այս ոլորտում պատրաստ ենք համագործակցել Հայաստանի եւ Ռուսաստանի հետ: Կան բազմաթիվ այլ ոլորտներ, որոնցում մենք կարող ենք համագործակցել: Մենք հարևաններ ենք, ունենք ընդհանուր շահեր եւ պետք է օգտագործենք բոլոր հնարավորությունները, իսկ Եվրասիական տնտեսական միությունը դրանցից մեկն է», - նշել է Մոհամմադ Ջավադ Զարիֆը:
Հիշեցնենք, որ 2015թ. սկզբից Հայաստանը դարձավ Եվրասիական տնտեսական միության լիիրավ անդամ: