Հունվարի 26-ին, ժամը 19.25-ին, ոստիկանության Երեւան քաղաքի վարչության ՊՊԾ գնդի 5-րդ վաշտի ծառայողները Երեւանի Մանթաշյան եւ Չեխովի փողոցների խաչմերուկից, ավտոմեքենա փախցնելու կասկածանքով, բերման են ենթարկել 1969 թ. ծնված Արսեն Բ.-ին:
Ոստիկանության մամուլի ծառայությունից հայտնում են, որ պարզվել է, որ նույն օրը, ժամը 15.30-ին, վերջինս փախցրել է Սեբաստիա փողոցի թիվ 130 տան դիմաց կայանված, 1981 թ. ծնված Գեւորգ Մ.-ին պատկանող «Ֆորդ Տրանզիտ» մակնիշի ավտոմեքենան եւ Բագրատունյաց ու Արտաշիսյան փողոցների խաչմերուկի մոտ բախվել «ԲՄՎ X-5» մակնիշի ավտոմեքենային:
Արսեն Բ.-ի խուզարկությամբ հայտնաբերվել է 2 դանակ` յուրաքանչյուրը 12 սմ երկարությամբ, շեղբինը` 9 սմ:
Նշանակվել է դատատեխնիկական փորձաքննություն:
Կատարվում է հետաքննություն:
