Իրանը հույս ունի 2015թ. Եվրասիական տնտեսական միության հետ պայմանագիր կամ փոխըմբռնման հուշագիր ստորագրել: «ՌԻԱ Նովոստիին» տված հարցազրույցի ժամանակ հայտարարել է Մոսկվայում Իրանի դեսպան Մեհդի Սանային:
«Ես կարծում եմ, որ 2015թ. մենք պետք է այդ հարցի շուրջ մտածենք, որպեսզի Իրանը որոշակի տնտեսական շփումներ ունենա ԵՏՄ-ի հետ: Մենք այժմ աշխատում ենք այդ հարցի շուրջ, Իրանը մտադիր է այդ հնարավորությունն օգտագործել դեպի Ռուսաստան իր արտահանումն ընդլայնելու համար: Պետք է ինչ-որ պայմանագիր կամ փոխըմբռնման մասին հուշագիր ստորագրել», - ասել է Սանային:
Նրա խոսքով՝ Իրանի եւ Ռուսաստանի լիարժեք համագործակցության ճանապարհին կանգնած է իրանական ապրանքների համար բարձր մաքսատուրքերի խնդիրը:
Կա եւս մեկ խնդիր. Ռուսաստան արտահանվող իրանական ապրանքների համար բարձր մաքսադրույքները: Իրանն իր ապրանքները Ռուսաստան ուղղակիորեն է արտահանում, ոչ թե այլ պետությունների միջոցով: Այս դրույքները բարձր են Իրանի համար», - հավելել է դեսպանը:
