Երեւանյան ակումբներից մեկում նախօրեին` հունվարի 26-ի կեսգիշերին թեժ ծեծկռտուք է տեղի ունեցել: NEWS.am-ին հայտնի է դարձել, որ դեպքը տեղի է ունեցել Խանջյան փողոցում գտնվող «Վ.Վ» ակումբում:

Մի խումբ հաճախորդների վիճաբանությունը վերածվել է թեծ ծեծկռտուքի: Նրանք միմյանց ձեռքերով ու ոտքերով հարվածներ են հասցրել` պատճառելով մարմանական վնասվածքներ: Ակումբի աշխատակիցներին չի հաջողվել կողմերին բաժանել, բանը հասել է իրավապահների միջամտությանը:

Դեպքի վայր ժամանած ոստիկանները չորս երիտասարդի բերման են ենթարկել: Կատարվում է քննություն: Միջադեպը NEWS.am-ի հետ զրույցում հաստատել են ոստիկանությունից: