ՌԴ-ի Կենտրոնական բանկի կողմից 2015թ.-ից լողացող ռուբլու անցմամբ Հայաստանի արտահանողների համար կարող են զարգացնլ արժութային հեջինգի մեխանիզմները։ Այդ մասին NEWS.am-ի թղթակցին ասել է Հայաստանում ԱՄՀ-ի մշտական ներկայացուցիչ Տերեսա-Դաբան-Սանչեսը։
Ռուսաստանի Կենտրոնական բանկն այլեւս պարբերական արժութային ինտերվենցիաներ չի իրականացնի։ Իսկ դա Հայաստանի եւ մի շարք այլ երկրների գործարարների համար նվազեցնում է արժութային փոխարժեքի կանխատեսելիությունը, հատկապես, եթե այդ երկրները Ռուսաստանի հետ առեւտուրն իրականացնում են ռուբլով։
«Իհարկե, արտահանողները կարող են այդ ռիսկերը փոխհատուցել դրամի փոխարժեքի նվազեցմումից ստացվող օգուտներից, սակայն այդ խնդիրը լուծելու առավել երկարաժամկետ միջոցներ կան, այդ թվում արժութային տատանումների հեջավորումը», - հայտարարել է Դաբան-Սանչեսը։
Արտահանողները կարող են այդ ծառայությունների նկատմամբ պահանջարկ ձեւավորել, դրան կարձագանքեն բանկերը կամ այլ ֆինանսական կազմակերպություններ։ Հնարավոր է, նրացից որեւէ մեկը իր վրա կվերցնի այդ գործիքների զարգացման խնդիրը։ «Ծառայությունների այս տեսակն աշխարհում վաղուց գոյություն ունի, եւ Հայաստանը լիովին կարող է տեղայնացնել այլ երկրների լավագույն փորձը», - հավելել է ԱՄՀ-ի մշտական ներկայացուցիչը։