Մալայզիայի ոստիկանությունը երկրի մայրաքաղաքում հերոինի մաքսանենգությամբ զբաղվող խոշոր միջազգային թմրասինդիկատ է ոչնչացրել: Անդամների կալանավորման ժամանակ 2.3 մլն դոլար արժողությամբ թմրանյութի խմբաքանակ է առգրավվել, հայտնում է ԲԵՐՆԱՄԱ ազգային լրատվական գործակալությունը:
Մալայզիական ոստիկանության գլխավոր տեսուչի տեղակալը հայտարարել է, որ թմրամիջոցի մի մասը նախատեսված է եղել տեղական շուկայում իրացնելու, իսկ մնացածը՝ հարեւան Ինդոնեզիա ուղարկելու համար:
Սինդիկատի ոչնչացման գործողության ընթացքում կալանավորվել են հանցախմբի 13 անդամներ: «Կալանավորվածների թվում են Պակիստանի 6, Ինոնեզիայի 4 քաղաքացիներ եւ 3 մալայզիացի՝ 2 տղամարդ եւ մեկ կին: Կալանքի ժամանակ առգրավվել է 56 կգ հորեյին եւ թմրավաճառների կողմից օգտագործվող մի քանի տրանսպորտային միջոց»:
Մալայզիայի աշխարհի առավել խիստ հակաթմրամիջոցային օրենսդրություն ունեցող երկրներից մեկն է: Այսպես, ավելի քան 15 գ հերոինի, 50 գ մետամֆետամինի կամ 200 գ մարիխուանայի պահպանումը կամ իրացումը սպառնում է մահապատժով: