Պաշտպանության նախարար Սեյրան Օհանյանը Ադրբեջանի կողմից հրադադարի ռեժիմի խախտման աննախադեպ թիվը բացատրում է մի քանի պատճառներով: Այսօր՝ հունվարի 27-ին տեղի ունեցած մամուլի ասուլիսի ժամանակ նախարարը ամփոփել է անցած տարվա արդյունքները եւ խոսել 2015թ. ծրագրերի մասին:
Այս համատեքստում նա նշել է, որ նախօրեին տեղի է ունեցել Պաշտպանության նախարարության կոլեիգիայի նիստը: Նիստն անցկացվել է գերագույն գլխավոր հրամանատար, երկրի նախագահ Սերժ Սարգսյանի ղեկավարությամբ:
Նախարարի գնահատմամբ՝ երկրի զինված ուժերը շարունակել են իրականացնել իրենց առջեւ կանգնած խնդիրները իրավիճակի եւ ճկունության ճիշտ գնահատում պահանջող բավականին բարդ պայմաններում: Ավելին, հաշվի առնելով տարածաշրջանի ապակայունացման միտումները, որոնք ներառում են ոչ միայն հակամարտությունները, այլ նաեւ հակառակ դաշինքներին եւ միություններին մասնակցելու երկրների ձգտումները:
Ինչ վերաբերում է Ադրբեջանի գործողություններին, նախարարը նշել է, որ Բաքուն շարունակում է Հայաստանի հետ սահմանին եւ ԼՂՀ-ի հետ շփման գծում լարվածության ստեղծմանն ուղղված քաղաքականությունը՝ ինչպես ներքաղաքական, այնպես էլ արտաքին քաղաքական խնդիրներ լուծելու նպատակով: Շարունակվում է հայերի նկատմամբ ատելության, Լեռնային Ղարաբաղի շուրջ ավելի վաղ ձեռքբերված պայմանավորվածությունների ժխտման քաղաքականությունը: Ինչպես նշել է նախարարը, 2014թ. եւ ընթացիկ տարվա սկզբից հակառակորդը շարունակում է դիվերսիոն գործողություններն ու դիպուկահարների պատերազմը:
«Դա կանխամտածված բնույթ է կրում: Նպատակներից մեկն էլ հայկական կողմի ունակությունները բացահայտումն է: Ոչ մի լուրջ հաջողության նրանք չեն հասել: Միաժամանակ տեղեկատվական պատերազմ է մղվում: Հակայակական քաղաքականություն է տարվում եւ փաստերի հրեշավոր աղավաղում: Նման վարքագիծը լուրջ սպառնալիք է ամբողջ տարածաշրջանի կայունության եւ անվտանգության համար», - նշել է Սեյրան Օհանյանը:
Նախարարի խոսքով՝ կարգապահության բարձրացման ուղղությամբ աշխատանքներ են տարվել, որի շնորհիվ ոչ կանոնադրական հարաբերությունների պատճառով առաջացած միջադեպերը կրճատվել են 60 %-ով: Ինքնասպանությունների թվով Հայաստանը առաջատար դիրքեր է զբաղեցնում: Աշխատանք է տարվել դպրոցներում եւ բուհերում: Արդյունքները տեսանելի չեն, քանի որ ում հետ աշխատանքները են տարվել, դեռեւս չեն զորակոչվել բանակ:
«Համոզված եմ, որ արդյունքը կլինի և միջանձնային հարաբերությունների հետ կապված միջադեպերը նվազագույնի կհասցվեն», - նշել է Օհանյանը: Ցավոք, նախորդ տարի եղել են կորուստներ: Տարվա սկզբին Ադրբեջանի կողմից իրականացվող դիվերսիաների պատճառով հայկական կողմը կորցրել է 7 զինծառայող: «Ադրբեջանը ավելի լկտի մոտեցում է ցուցաբերել: Սակայն նորից պարտվել է: Այսպես կլինի միշտ, քանի որ հայ զինվորը պաշտպանում է իր տունը: Նրա գործն օրինական է: Մենք չենք կորցրել, այլ գտել ենք մեր հերոսներին», - հայտարարել է Սեյրան Օհանյանը:
