Ադրբեջանի ՊՆ-ն ակնարկել է, որ ԵԱՀԿ ՄԽ համանախագահները մտավոր շեղումներ ունեն, ինչպես նաեւ բոլոր մասնակիցները՝ բացի իրենցից:
«Դիպուկահարներին հեռացնելու գաղափարը կարող է միայն հայերի հիվանդ երեւակայության արգասիք լինել», - նման հայտարարություն է արել Ադրբեջանի ՊՆ մամուլի ծառայությունը՝ ի պատասխան ՀՀ պաշտպանության նախարար Սեյրան Օհանյանի՝ դիպուկահարներին ճակատային գծից հեռացնելու հայտարարության մասին ԱՊԱ-ի հարցին:
Հիշեցնենք, որ դիպուկահարներին հեռացնելու եւ միջադեպերը հետաքննելու մեխանիզմներ ստեղծելու մասին խոսում է ոչ միայն հայկական կողմը: Համանախագահները, ՄԽ համանախագահ երկրների նախագահները, ԵԱՀԿ գրեթե բոլոր գործող նախագահները բազմիցս հայտարարել են դիպուկահարներին հեռացնելու եւ վստահության մթնոլորտում միջադեպերը հետաքննելու մեխանիզմներ ստեղծելու մասին:
