Հունաստանի ֆինանսների նոր նախարար է նշանակվել Յանիս Վարուֆակիսը, երկրի ԱԳՆ-ի ղեկավարությունը ստանձնել է Նիկոս Կոձիասը, իսկ պաշտպանության նախարար է նշանակվել Պանոս Կամենոսը։
Հունաստանի փոխվարչապետ է նշանակվել Յանիս Դրագասակիսը (1989թ.էկոնոմիկայի փոխնախարարի պաշտոնը զբաղեցրած 68-ամյա տնտեսագետ), հայտնում է «ՌԻԱ Նովոստին»։
Ընտրությունների արդյունքներով ձախ արմատական «ՍԻՐԻԶԱ» կոալիցիայի եւ «Անկախ հույներ» կուսակցության կողմից ձեւավորված կառավարության նոր կազմը հայտարարվել է երեքշաբթի։