«Վանաձոր» քրեակատարողական հիմնարկում այսօր՝ հունվարի 27-ին, հացադուլ է հայտարարել դատապարտյալ Արմեն Հակոբյանը: NEWS.am-ի հետ զրույցում ԱՆ Քրեակատարողական հիմնարկների վարչության մամուլի պատասխանատու Գոռ Ղլեչյանը հայտնեց, որ դատապարտյալը պահանջում է իրեն տեղափոխել «Դատապարտյալների հիվանդանոց» ՔԿՀ:
«Արմեն Հակոբյանը տեղափոխվել էր «Դատապարտյալների հիվանդանոց» քրեակատարողական հիմնարկ, որտեղ հետազոտվելուց հետո տեղափոխվել քաղաքացիական հիվանդանոց, վիրահատվել, իսկ հետվիրահատական շրջանն էլ անցել է «Դատապտրյալների հիվանդանոց»: Օրերս բժշկական հանձնաժողովը որոշել է, որ Արմեն Հակոբյանն իր դեղորայքային բուժումը կարող է շարունակել պատժի կրման վայրում»,- ասաց Գոռ Ղլեչյանը:
Նրա խոսքով՝ այսօր հացադուլի մասին լուրն իմանալուն պես բժիշկների խումբ է մեկնել «Վանաձոր» ՔԿՀ եւ հետազոտել Արմեն Հակոբյանին:
Նշենք, որ 2011թ.-ին Արմեն Հակոբյանը մեղավոր է ճանաչվել Քրեական օրենսգրքի 175-րդ հոդվածի 1-ին եւ 3-րդ մասերով եւ 235-րդ հոդվածի 1-ին մասով եւ դատապարտվել 10 տարվա ազատազրկման:
