Վթարի ենթարկված ճանաչված դուդուկահար Կամո Սեյրանյանի մոտ հայտնաբերվել է քթի սալջարդ: Այս մասին NEWS.am-ի թղթակցին հայտնեցին Քանաքեռ-Զեյթուն բժշկական կենտրոնից:
Հիվանդանոցից հայտնեցին, որ Կամո Սեյրանյանը ամբուլատոր բուժօգնություն է ստացել եւ նույն օրն էլ տուն գնացել: «Ռենտգեն է անցել, ախտորոշվել է քթի սալջարդ ու նույն օրն էլ տուն է գնացել»,-հայտնեցին հիվանդանոցից:
Ավելի վաղ հայտնել էինք, որ հունվարի 27-ին ավտովթար է տեղի ունեցել Կոտայքի մարզում: Shamshyan.com-ի փոխանցմամբ, ժամը 03:20-ի սահմաններում Քանաքեռ -Զեյթուն բժշկական կենտրոնից ոստիկանության Կոտայքի բաժին ահազանգ է ստացվել, որ «քթի սալջարդ» ախտորոշմամբ իրենց մետ է տեղափոխվել Չարենցավանի 4-ր թաղամասի 14 շենքի բնակիչ, 36-ամյա Կամո Սեյրանյանը:
Պարզվել է, որ նույն օրը՝ ժամը 00:30-ի սահմաններում Կ. Սեյրանյանը իր վարած Range Rover մակնիշի 09 CC 900 համարանիշի ավտոմեքենայով Երեւան-Սեւան ավտոճանապարհի 18-րդ կմ հատվածում ճանապարհի մերկասառույցի պատճառով դուրս է եկել ճանապարհի երթեւեկելի գոտուց եւ վթարի ենթարկվելով՝ բախվել հողաթմբին, որից հետո տեղափոխվել է հիվանդանոց:
Նշենք, որ Կամո Սեյրանյանը ճանաչված դուդուկահար է: