Կալիֆորնիայի Սան Դիեգո քաղաքի կահույքի խանութներից մեկում ոստիկանությունը մարիխուանայի պլանտացիա է գտել։
Պարզվել է՝ Furniture & More խանութի ներքո քողարկված է եղել մարիխուանայի աճեցման տնտեսություն՝ մոտավորապես 2 մլն դոլար արժողությամբ: Ըստ տեղի շերիֆի՝ խանութը ի սկզբանե ստեղծվել է քողարկման նպատակով եւ կահույքի ոչ մի պարագա չի վաճառել, հայտնում է The Huffington Post-ը:
Կահույքի խանութի հետնաբակում հայտնաբերվել է շուրջ 1000 մշակաբույս եւ շուրջ 50 կգ վերամշակված մարիխուանա, փոխանցում է Lenta.ru-ն։
Թմրանյութի ապօրինի աճեցման մեղադրանքով ձերբակալվել է 39-ամյա Ֆուք Նգուենը, որին մեղադրում են նաեւ էլեկտրականության դիմաց 80 հազար դոլարի պարտքը չվճարելու մեջ: