Պետդումայի պատգամավոր, Անկախ պետությունների համագործակցության, եվրասիական ինտեգրման եւ հայրենակիցների հետ կապերի հարցերով զբաղվող կոմիտեի անդամ Իլյա Դրոզդովը դիմել է Ռուսաստանի արտգործնախարարություն՝ խնդրելով դիտարկել ԱՊՀ-ի բոլոր մարմիններում Ուկրաինայի ներկայացուցիներին եւ պատվիրակներին ձայնի իրավունքից զրկելու հարցի բարձրացումը:
Դրոզդովի խոսքով, լինելով ԱՊՀ-ի հիմանդիրներից մեկը, Ուկրաինան այդպես էլ չի վավերացրել Համագործակցության կանոնադրությունը: Բացի այդ, պատգամավորը ուշադրություն է հրավիրել այն հանգամանքին, որ ԱՊՀ-ի անդամ-պետություններից եւ ոչ մեկը չի նվազեցնում Երկրորդ աշխարհամարտում ֆաշիստական Գերմանիայի ջախջախման մեջ Խորհրդային բանակի դերը, եւ ոչ մի տեղ չեն հերոսացնում նացիստական հանցագործների ու նրանց դաշնակիցներին, բացի Ուկրաինայից, հաղորդում է «Մոսկվոսկի կոմսոմոլեցը»:
«Այստեղ հարցն անգամ իրավական հարթության վրա չէ. Մենք բոլորս հիանալիորեն հասկանում ենք, որ 20 տարի Ուկրաինան իրավաբանորեն չի էլ եղել ԱՊՀ-ի անդամ: Հարցն այստեղ բարոյա-էթիկական հարթության վրա է: Բացահայտորեն հերոսացվում են նացիստական հանցագործները եւ նրանց համախոհները, վերանայվում է պատմությունը եւ արդարացվում ֆաշիստական Գերմանիայի դաշնակից երկրների հանցագործությունները: Ես անկեղծորեն կարծում եմ, որ Ուկրաինան իր ներկայիս ռեժիմով պետք է վտարանդի դառնա», - նշել է Դրոզդովը:
