Մարդու իրավունքների եվրոպական դատարանի շենքի մոտ հայերը ցույց են կազմակերպել. սկսվել են «Դողու Թերինչեքն ընդդեմ Շվեյցարիայի» գործով լսումները:
Ակցիայի մասնակիցները. «1915թ. այլեւս երբեք», «Հայոց ցեղասպանության ճանաչման եւ հայրենադարձման ժամանակն է» գրություններով պաստառներ են պահում, հայտնում է Հանուն արդարության եւ ժողովրդավարության Եվրոպական հայկական դաշնությունը:
Ստրասբուրգում, Մարդու իրավունքների եվրոպական դատարանում այսօր՝ հունվարի 28-ին, տեղական ժամանակով 09:15-ին (Երեւանի ժամանակով 12:15-ին) սկսվել է «Փերինչեքն ընդդեմ Շվեյցարիայի» գործով նիստը: «Փերինչեքն ընդդեմ Շվեյցարիայի» (Perincek v. Switzerland, App. no. 27510/08) գործում Հայաստանը ներգրավված է՝ որպես երրորդ կողմ: Գործում որպես երրորդ կոմղ ներգրավված է նաեւ Թուրքիան: