Ռուսաստանում փետրվարի սկզբից կաճեն սպառողական շատ ապրանքների եւ ծառայությունների, որոշ տեսակի դեղերի, մալուխային եւ արբանյակային հեռուստաալիքների բաժանորդագրման գները:
Ըստ «Ռոսիյսկայա գազետայի»՝ բաժանորդագրման գներն արդեն աճել են 30-100%, սակայն բանակցություններ են տարվում սեփականատերերի հետ՝ սակագների էլ ավելի թանկցումից խուսափելու համար: «Ռոստելեկոմից» հայտնել են, որ ինտերնետին միանալու արժեքն առաջիկայում կմնա նույնը:
Մեծածախ խանութներում արտասահմանյան ալկոհոլի մասնաբաժինը սկսել է նվազել, իսկ ենթադրյալ գնաճը կազմելու է շուրջ 50%: Թերթը հայտնում է, որ դրա պատճառն այն է, որ մատակարարների համար ավելի ձեռնտու է դադարեցնել արտահանումը, քան ցածր գնով ակլոհոլ մատակարարել:
Գնաճը կանդրադառնա նաեւ դեղորայքի վրա: Ըստ թերթի՝ առաջին հերթին կթանկանան ներմուծվող միջոցները եւ ռուսական դեղերը, «որոնք կենսականորեն կարեւորների ցանկում չեն»:
