Չինական յուանը իր տարածվածությամբ դարձել է աշխարհի 5-րդ արժույթը: Այսպիսին են SWIFT համաշխարհային միջբանկային ֆինանսական հեռահաղորդակցության միության տվյալները:
SWIFT- ի տվյալներով՝ անցած տարվա դեկտեմբերին յուանը օգտագործման հաճախականությամբ առաջ է անցել կանադական եւ ավստրալական դոլարներից եւ ԱՄՆ-ի դոլարից, եվրոյից, բրիտանական ֆունտից եւ ճապոնական իենից հետո զբաղեցնում է 5-րդ տեղը:
SWIFT-ում միջբանկային շուկայի համար պատասխանատու Վիմ Ռայակերսկի խոսքով՝ այդ փոփոխությունները «կարեւոր ուղենիշ են»: Նա նաեւ հստակեցրել է, որ յուանի վիճակը սկսել է զարգացող արժույթի դիրքերից տեղափոխվել «սովորականի» կողմը: